Ekologiia departamentiniń ókilderi men politsiia jáne ákimdik qyzmetkerleri Qarǵaly ózeni boiynda tekserý júrgizip jatyr, dep habarlaidy "Ult aqparat" Ekologiia ministrligine silteme jasap.
Aita ketsek, áleýmettik jelide Almaty qalasy Naýryzbai aýdanyndaǵy Qarǵaly ózeninen shyǵyp jatqan kóbik týraly video jariialanǵan bolatyn.
Qalalyq ekologiia departamentiniń mamandary dereý oqiǵa ornyna baryp, zerthanalyq zertteý úshin sý synamalaryn alǵan.
«Bizdiń ekologtar toby kelgen kezde beinematerialda kórsetilgen ózendegi sý taza eken. Ony rastaý úshin kameraǵa túsirilip, fotosýretter jasaldy. Qazir Ekologiia departamentiniń ókilderi búkil ózen aǵysy boiynda teserý júrgizip jatyr. Politsiia qyzmeti men jergilikti ákimdik tergeýge qosyldy. Jaǵdaiǵa kináliler izdestiriledi. Eger zań buzýshylyq anyqtalsa, onda kináliler jaýapqa tartylady», - dedi Ekologiia ministrligi Ekologiialyq retteý jáne baqylaý komitetiniń tóraǵasy Zulfyhar Joldasov.
Oqi otyryńyz
