Ekologiia, geologiia jáne tabiǵi resýrstar ministrliginiń balyq sharýashylyǵy komiteti Kaspii jaǵalaýynan tabylǵan óli itbalyqqa qatysty túsinik berdi, dep habarlaidy "Ult aqparat".
Aita keteiik, Aqtaý qalasynda Kaspii teńizi jaǵalaýynan tabylǵan óli itbalyq týraly aqparat 18 shilde kúni Instagram-da paida boldy.
«Itbalyq tabylǵan jerge jedel túrde basqarma basshysy A. Shihmetov bastaǵan Jaiyq-Kaspii oblysaralyq basseindik balyq sharýashylyǵy inspektsiiasynyń Mańǵystaý oblysy boiynsha balyq sharýashylyǵy basqarmasynyń memlekettik inspektorlarynan qurylǵan top jiberildi. Oqiǵa ornyna kelgen kezde itbalyqtyń denesi tabyldy. Quiryǵy túksiz, ydyraý kúiinde boldy. Aldyn ala aqparat boiynsha, janýar birneshe ai buryn teńizde ólgen, keiin teńiz daýylymen Aqtaý qalasy mańyndaǵy jaǵalaýǵa shyǵyp qalǵan» dep túsindirdi vedomstvo.
Janýardyń denesinde balyq aýlaý quraldarynyń izi, tunshyǵý, sondai-aq zorlyq-zombylyq belgileri joq.
«Sol sebepti tabiǵatty qorǵaý politsiiasy men veterinarlyq qyzmet ókilderi oqiǵa ornyna shaqyrylmady. Jelide taraǵan aqparatta itbalyqtyń ainalasy qan ekeni aitylady. Biraq onyń qan emes, kún sáýlesi áserinen janýardyń denesinen aǵyp jatqan teri astyndaǵy mai ekenin habarlaimyz» dep habarlaidy Ekologiia, geologiia jáne tabiǵi resýrstar ministrligi.
