Ekologiia, geologiia jáne tabiǵi resýrstar ministrligi Kaspii teńizindegi jabaiy úirekterge qatysty oqiǵa týraly túsinikteme berdi, dep habarlaidy "Ult aqparat".
Ekologiia, geologiia jáne tabiǵi resýrstar ministrliginiń qoǵammen bailanys departamentiniń direktory Samal Ibraeva motorly qaiyqta otyrǵan birneshe adamnyń jabaiy úirekterdi sýǵa batyryp jatqany týraly videoǵa qatysty pikir bildirdi.
Onyń aitýynsha, bul beinejazbany Ekologiia ministrliginiń Orman sharýashylyǵy jáne janýarlar dúniesi komiteti ishki ister departamentine mán-jaidy túsindirý jáne adamdardyń kim ekendigin anyqtaý úshin jiberdi.
«Bul degenińiz masqara! Qarap otyryp, adamnyń júregý aýyrady. Bul adamǵa tán qasiet emes! Mundai jaǵdaida ekologiialyq mádeniet deńgeii týraly aitýdyń ózi artyq! Endi mundaiǵa jol berilmeýi kerek! Mundai áreket úshin jazalaý kerek!», - deidi departament direktory.
Ol mundai jaǵdaiǵa kýá bolǵanda ne isteýge bolatyny týraly keńes berdi.
«Jan-janýarǵa, tabiǵatqa qiianat jasaý siiaqty jaǵdaiǵa kýá bolsańyz, mindetti túrde beinejazbaǵa ma, sýretke me túsirip alyp, bizge habarlańyz. Meniń nómirim: +77017932418. Mundai jaǵdailarǵa nemquraily qaraýǵa bolmaidy! Kúsh biriktirý arqyly ǵana tabiǵatqa degen osyndai qarym-qatynasty túp-tamyrymen joiýǵa bolad», - deidi Samal Ibraeva.
