Úkimet otyrysynda QR Ekologiia, geologiia jáne tabiǵi resrýrstar ministri Serikqali Brekshev kiik popýliatsiiasyn tyńǵylyqty zertteýge qarjy surady, dep habarlaidy QazAqparat.
«Kiik popýliatsiiasyn retteý týraly aitsaq, keshe biz ǵylym men salalyq qaýymdastyqtardyń qatysýymen jinalys ótkizip, ortaq sheshimge keldik.
Birinshi. Tereń monitoring júrgizip, kiik polpýliatsiiasyn tiimdi retteý úshin kúrdeli ǵylymi zertteýler júrgizý qajet. Biyl Zoologiia institýty Ǵylym jáne joǵary bilim ministrligine osy taqyryp boiynsha zertteýler júrgizý úshin ótinim bergen edi. Ókinishke qarai, bul joba qabyldanbady. Osyǵan bailanysty, Álihan Ashanuly, Ǵylym jáne joǵary bilim, Qarjy ministrlikteri osy zertteýlerdi qarjylandyrýdy biyldan bastap qarastyrýyn suraimyz», - dedi Serikqali Brekeshev.
Sondai-aq, ministr kiikten zardap shekken sharýalardyń máselesin de kóterdi.
«Atalmysh zertteýler júrgizilip, onyń qorytyndysy shyqqanǵa deiin sharýalarǵa kelgen zalaldy esepteý ádistemesi ázirlenip, ótemaqy tóleý máselesi pysyqtalady», - dedi ol.
