QR Ekologiia, geologiia jáne tabiǵi resýrstar ministri Serikqali Brekeshev qaldyqtardy óńdeý jumystary týraly aityp berdi, dep habarlaidy QazAqparat.
«Taǵy bir basty másele – qaldyqtardyń shamadan tys jinalýy ekenin birneshe ret aittyq. Osyǵan bailanysty qaldyqtardy turaqty basqarý boiynsha «Waste-to-Energy» tehnologiiasy boiynsha energiia alý men qaldyqtardy energetikalyq kádege jaratý jónindegi nysandar salý siiaqty is-sharalar esebinen qatty turmystyq qaldyqtardyń úlesin jáne kádege jaratýdy 18%-dan 34%-ǵa deiin ulǵaitý kózdelip otyr», - dedi ministr Ortalyq kommýnikatsiialar qyzmetinde ótken brifingte.
Odan bólek, quramynda synaby bar qaldyqtardy bólek jinaý úshin 8 myńnan astam konteiner men dárihanalarda meditsinalyq qaldyqtarǵa arnalǵan ekobokstar ornatý josparlanýda.
«Tuiyq tsikldi ekonomikany damytý sheńberinde qurylys jáne iri gabaritti qaldyqtardy jinaýǵa arnalǵan alańdar qurý boljanyp otyr», - dedi Brekeshev.
