Foto: otyrar.kz
Qalalyq aýrýhanaǵa otyz shaqty adam júgindi, dep habarlaidy «Ult aqparat» Pavlodarnews.kz-ke silteme jasap. Pavlodar oblysynyń densaýlyq saqtaý basqarmasy baspasóz qyzmetiniń málimetinshe, 14 sáýirden bastap qalalyq aýrýhananyń infektsiialyq bólimshesine tamaqtan ýlaný jáne bakteriialyq ishek infektsiiasy belgileri bar patsientter jappai júgindi.
"Epidemiologiialyq anamnezdi jinaý kezinde olardyń barlyǵy 13 sáýir qarsańynda qalanyń kafeleriniń birinde ótken is-sharanyń qonaqtary ekeni anyqtaldy. Emdelýshiler qabyldaý bólimshesinde qaralǵannan jáne shuǵyl meditsinalyq kómek kórsetilgennen keiin (asqazandy shaiý) infektsiialyq bólimshege jatqyzyldy. Barlyǵy 14 sáýirden 15 sáýir saǵat 17:00-ge deiingi aralyqta 32 adam júgindi, onyń tórteýi aýrýhanaǵa jatqyzýdan bas tartty, qalǵandary qazirgi ýaqytta em alýda. Naýqastardyń jaǵdaiy ortasha aýyrlyq dárejesi retinde qarastyrylady", – deidi basqarmada.
Qalalyq sanitarlyq-epidemiologiialyq baqylaý basqarmasy tamaqtan ýlaný jaǵdaiy boiynsha basqarma meiramhanaǵa qatysty QR Kásipkerlik Kodeksine sáikes jospardan tys tekserý júrgizip jatqanyn habarlaidy.
