Foto: BQO TJD
«Qazgidromet» respýblikalyq memlekettik kásipornynyń baspasóz hatshysy Alina Ysmaǵulova ortalyq kommýnikatsiialar qyzmetinde ótken brifingide eldiń basym bóligine jaýyn-shashynsyz kúnder kele jatqanyn aitty, dep habarlaidy «Ult aqparat» Kazinform-ǵa silteme jasap.
«Respýblikamyzdyń basym bóligi aýqymdy antitsiklon áserinde bolǵandyqtan jaýyn-shashynsyz aýa raiy kútiledi. Tek soltústik pen shyǵysta, ońtústik-shyǵystyń taýly aýdandarynda kúndiz atmosferalyq frontaldy bólikterdiń ótýine bailanysty jańbyr jaýyp, shyǵys pen ońtústikte naizaǵaily jańbyr saqtalady. Qazaqstannyń ońtústigi men ońtústik-batysynda shańdy daýyl, shyǵys pen ortalyqta, soltústik-batysta túngi jáne tańǵy saǵattarda, tuman kútiledi», - dedi mekeme ókili.
Degenmen eldiń eki óńirinde tasqynmen bailanysty dabyldy eskertý saqtalyp otyr.
«19–22 sáýir aralyǵynda Shyǵys Qazaqstan jáne Abai (Jarma jáne Kókpekti aýdandary) oblystarynda kúnniń jylynýy, 19-20 sáýirde jańbyr boljanyp otyrǵandyqtan, orta deńgeidegi taýly aimaqtarda qardyń qarqyndy erýine bailanysty, betkeilerden sý júrip, ózenderdiń arnadan asýy múmkin. Osynyń saldarynan avtojol men temirjoldar, eldi-mekender men sharýashylyq nysandaryn sý basýy yqtimal.
Aqmola oblysyda Nura ózeniniń Qorǵaljyn aýylyndaǵy gidrologiialyq beketinde sý deńgeiiáli kóterilip jatyr. Sońǵy málimet boiynsha sý deńgeii qaýipti deńgeiden 5 santimetr (qaýipti deńgei - 700 sm) asqan. Sý Qorǵaljyn aýylyndaǵy kópir arqyly aǵyp jatyr. Sý deńgeii odan ári kóteriletin túri bar», - dedi Alina Ysmaǵulova.
