Shyǵys Qazaqstan oblysynda durys tamaqtaný ratsionyna aldyn ala aqsha tólegen 21 turǵynnyń aqshasy sot arqyly qaitarylatyn boldy, dep habarlaidy ult.kz.
Turǵyndar jeke kásipkermen kelisimshart jasap, taǵam jetkizý qyzmetiniń aqysyn aldyn ala tólegen. Alaida keiin ratsiony jetkizilmei, kásipker aqshany qaitarmaǵan.
Tutynýshylar ShQO Saýda jáne tutynýshylardyń quqyqtaryn qorǵaý departamentine júgingen. Vedomstvo máseleni sotqa deiin sheshýge tyrysqanymen, nátije bolmaǵan soń Óskemen qalasynyń azamattyq ister jónindegi mamandandyrylǵan aýdanaralyq sotyna ujymdyq talap aryz bergen.
2026 jylǵy 16 shildede sot talapty qanaǵattandyrdy. Kásipker 21 tutynýshyǵa kórsetilmegen qyzmet úshin 3 055 138 teńge jáne 611 028 teńge turaqsyzdyq aiybyn tóleýge mindetteldi.
Osylaisha, turǵyndarǵa qaitarylatyn jalpy soma 3 666 166 teńgeni qurady.
