Sońǵy jeti jyl baqylaý tarihyndaǵy eń jyly kezeń boldy, al álemdik muhit deńgeii jańa maksimýmǵa deiin kóterildi. Bul týraly 31 qazanda Glazgoda ashylǵan BUU-nyń klimat jónindegi konferentsiiasynyń bastalýyna daiyndalǵan Dúniejúzilik meteorologiialyq uiymnyń (DMU) jańa baiandamasynda aitylǵan, dep habarlaidy QazAqparat.
DMU-nyń 2021 jylǵy aldyn ala esebinde birqatar BUU agenttikteriniń, Ulttyq meteorologiialyq jáne gidrologiialyq qyzmetterdiń derekteri, sondai-aq jetekshi ǵylymi sarapshylardyń boljamdary jinaqtalǵan, dep málimdedi BUU baspasóz qyzmeti.
«Jahandyq klimattyń jai-kúii týraly DMU esebi planetanyń bizdiń kóz aldymyzda ózgerip jatqanyn kórsetedi. Ekojúieler búkil álem boiynsha joiylýda. Ǵalymdar óz sózderin aitty, endi kezek saiasi kóshbasshylarda. KS-26 ózgeris kezeńi bolýy kerek. Biz bolashaǵymyzdy qorǵaý jáne adamzatty qutqarý úshin dereý áreket etýge mindettimiz», - dep málimdedi BUU Bas hatshysy Antoniý Gýterrish beinehabarlamada.
«Baqylaý tarihynda alǵash ret Grenlandiia muz shyńynda qar emes, jańbyr jaýdy. Muzdyń erýi nátijesinde kanadalyq muzdyqtar baiaý joǵalyp jatyr», – dedi DMU Bas hatshysy Petteri Taalas.
2021 jylǵy qańtar-qyrkúiek ailaryndaǵy ortasha jahandyq temperatýra 1850–1900 jyldardaǵy ortasha mánnen Tselsii shkalasy boiynsha 1,09 gradýsqa joǵary boldy.
