Dúniejúzilik bank koronavirýsqa qarsy kúreske kómek retinde $12 mlrd bóldi, dep habarlaidy "Ult aqparat".
«COVID-19 aýrýy 60-tan astam eldi qamtyǵandyqtan, Dúniejúzilik bank aýrýdyń jahandyq órshýiniń meditsinalyq jáne ekonomikalyq saldaryn eńserý isine shuǵyl kómek retinde 12 milliard dollarǵa deiingi mólsherde alǵashqy paketpen qamtamasyz etedi», - delingen DB resmi saitynyń habarlamasynda.
Dúniejúzilik bank álemdik densaýlyq saqtaý men alǵashqy meditsinalyq-sanitarlyq kómekti qoldaý, koronavirýsqa qarsy ozyq kúresýde jumys isteitin dárigerlerdi oqytý, eriktiler qozǵalysyn kótermeleý jáne kedei adamdardy emdeý boiynsha birqatar is-sharalardy uiymdastyryp jatyr.
DB-nyń basty kómegi úshinshi álem elderine jáne aýrý oshaǵynyń epitsentrinde turǵan adamdarǵa kórsetiledi. Koronavirýs 2019 jyldyń jeltoqsanynan bastap álemge tarala bastady. Dárigerler aýrý juqtyrýdyń alǵashqy jaǵdailaryn Qytaidyń Ýhan qalasynda anyqtaǵan. Infektsiiadan úsh myńnan astam adam qaitys boldy.
