QR Densaýlyq saqtaý ministrligi Covid-19 ben kúresý úshin vibroakýstikalyq qurylǵylar satyp aldy, dep habarlaidy "Ult aqparat" vedomstvonyń Telegram-daǵy paraqshasyna silteme jasap.
«Densaýlyq saqtaý ministrligi Qazaqstandaǵy juqpaly aýrýlar aýrýhanalaryna ókpe patologiiasyn emdeitin 87 vibroakýstikalyq apparat satyp aldy. Bul COVID-19 qarsy kúresý maqsatynda meditsinalyq kómek kórsetetin densaýlyq saqtaý uiymdarynyń materialdyq-tehnikalyq bazasyn nyǵaitýǵa baǵyttalǵan baǵdarlamanyń jalǵasy», delingen habarlamada.⠀
Ulttyq standarttardyń talabyna sáikes virýs infektsiiasynan paida bolǵan ókpe asqynýyn emdeý erejesi boiynsha vibroakýstikalyq terapiiany qoldaný qajet jáne qazirgi ýaqytta atalǵan apparatty paidalanǵan jaǵdaiy aýyr naýqastarda oń nátijesi baiqalǵan.
Dári-dármekpen emdeýdi azaita otyryp, ókpeni keshendi bifokal vibroakýstikalyq terapiia - ókpeni jeldetýdi jaqsartady; traheobronhialdy drenirleýdi belsendi etedi; ókpe tininiń infiltratsiiasyn sheshýdi jedeldetedi; ókpeni jasandy jeldetý apparattaryn qoldaný merzimin qysqartady jáne jiti respiratorlyq distress-sindromnyń damý qaýpin tómendetýge yqpal etedi.
Aita ketý kerek, bul apparaty ázirleýshi jáne óndirýshi otandyq BERK Technology kompaniiasy. Kásiporyn otandyq ónimdi BAÁ, Singapýr, Resei, Ózbekstan jáne basqa da elderge eksporttaidy.
