1 qarasha kúni doktorantýraǵa túsý úshin ekinshi emtihanǵa qujattardy qabyldaý bastalyp, 2021 jyldyń 15 qarashasyna deiin jalǵasady.
Esterińizge sala keteiik, buǵan deiin Bilim jáne ǵylym ministri Ashat Aimaǵambetov magistratýra men doktorantýraǵa oqýǵa túsý boiynsha ózgerister engizilgeni týraly jazǵan bolatyn. Endi qujattardy qabyldaý jylyna eki ret júrgiziledi. Konkýrsqa jazda grantqa túse almaǵan úmitkerler de, buryn-sońdy túsý emtihanyn tapsyra almaǵandar da qatysa alady.
Biyl doktorantýraǵa túsý erejelerine ózgerister engizilgen bolatyn. Endi doktorantýraǵa qabyldaý «1 oqýǵa túsýshi - 1 kompiýter - 1 kamera» qaǵidaty boiynsha óńirlik testileý ortalyqtarynda elektrondyq formatta ótetin túsý emtihanynyń nátijeleri boiynsha júzege asyrylady. Shara emtihan tapsyrý kezinde ashyqtyqty jáne transparenttilikti qamtamasyz etýge baǵyttalǵan.
Qabyldaý emtihany esse jazý, doktorantýrada oqýǵa daiyndyq testileýi jáne bilim berý baǵdarlamasy tobynyń beiini boiynsha emtihandardan turady.
Ekinshi túsý emtihanyna qatysýǵa tirkelý QR BǴM Ulttyq testileý ortalyǵynyń app.testcenter.kz (http://app.testcenter.kz/) saitynda júrgiziledi.
Qabyldaý emtihany 2021 jyldyń 18 qarashasynan 11 jeltoqsanyna deiin ótedi. Aita keteiik, memlekettik bilim berý tapsyrysy boiynsha jáne aqyly negizde oqýǵa túsý úshin ótý baly 75 baldy quraidy. Doktorantýraǵa oqýǵa qabyldaý 2021 jylǵy 26 jeltoqsan men 10 qańtar aralyǵynda ótedi.
Doktorantýraǵa túsý úshin qajetti qujattar tizimi:
1) bilimi týraly qujat (túpnusqa, qujattardy qabyldaý komissiiasyna tapsyrǵan kezde);
2) jeke basyn kýálandyratyn qujat (jeke basyn sáikestendirý úshin talap etiledi);
3) shet tilin meńgergenin rastaityn sertifikat:
aǵylshyn tili: IELTS Academic (International English Language Testing System Academic) shekti ball – keminde 5,5;
TOEFL IBT (test of English as a Foreign Language Internet-based test) shekti ball – keminde 46;
TOEFL PBT (test of English as a Foreign Language Paper-based test) shekti ball – keminde 453;
nemis tili: Deutsche Sprachpruefung fuer den Hochschulzugang (DSH, Niveauv2/B2 deńgeii), TestDaF-Prufung (Niveau B2/B2 deńgeii);
frantsýz tili: TFI (test de Franzais International™️) – oqý jáne tyńdaý sektsiialary boiynsha V2 deńgeiinen tómen emes, DELF (Diplome d ' Etudes en Langue franzaise) – B2 deńgeii, DALF (Diplome Approfondi de langue franzaise) – V2 deńgeii, TCF (test de connaissance du franzais) - keminde 50 ball;
4) 075/ý nysanyndaǵy meditsinalyq anyqtama;
5) 3x4 kólemindegi alty fotosýret;
6) kadrlardy esepke alý jónindegi jeke is paraǵy nemese jumys orny boiynsha kadr qyzmeti kýálandyrǵan eńbek qyzmetin rastaityn ózge de qujat;
7) sońǵy kúntizbelik 3 jyldaǵy ǵylymi jáne ǵylymi-ádistemelik jumystardyń tizimi (ǵylymi jariialanymdar, zertteýler júrgizý jospary, esse jáne basqa qujattar).
