QR Ulttyq ekonomika ministrligi vedomstvonyń Facebook-tegi resmi paraqshasynda «Diplommen aýylǵa» baǵdarlamasyna qatysty saýaldarǵa jaýap berip jatyr, dep habarlaidy "Ult aqparat".
Bes kúnniń ishinde internet-konferentsiiaǵa jeli qoldanýshylarynan 360-tan astam saýal túsken. Ol suraqtardyń bárine QR Ulttyq ekonomika vitse-ministri Ermek Alpysov jaýap berip jatyr. Aqparattyq túsindirý sharasyna qai óńirdiń jatary belsendi qatysyp jatqanyn ministrliktiń baspasóz hatshysy Shyńǵys Iliiasov aityp berdi.
«Konferentsiianyń qorytyndysy búgin shyǵady. Apta basynan beri 360-tan astam saýal tústi. Resmi paraqsha arqyly meditsina, pedagogika, mádeniet jáne aýyl sharýashylyǵy salasy boiynsha bilim beretin joǵary oqý oryndarynyń túlekteri men stýdentteri habarlasyp jatyr. Ásirese, Qostanai, Aqtóbe, Qyzylorda, Taraz, Qaraǵandy, Oral, Túrkistan qalalarynda bilim alyp jatqan jastar belsendi qatysýda. Saýaldardyń mazmuny ártúrli. Sonyń ishinde «Diplommen aýylǵa» baǵdarlamasy boiynsha barǵym kelgen aýyldy tańdai alamyn ba?» degen saýal jii qoiyldy. Árine, tańdai alady. Mysaly, túlek Túrkistan oblysynyń Qarasai aýdanynyń bir aýylyna barǵysy keldi deiik. Áýeli Qarasai aýdanyna barýy kerek. «Diplommen aýylǵa» baǵdarlamasy boiynsha maman qabyldaityn komissiia bar. Oǵan aýdan ákimi nemese orynbasary tóraǵalyq etedi. Sol komissiiaǵa qujattaryn ótkizip, tańdaǵan aýylyn kórsetýi tiis. Komissiia kórsetilgen aýylǵa suranyp otyrǵan mamannyń qajettiligin qarap, qujattary talapqa qanshalyqty sai ekenin saraptaidy. Eger aýylǵa qajetti mamandyq boiynsha bilim alǵan túlek bolsa, komissiia oń sheshim shyǵaryp, jas mamandy qoldaýǵa qajet qarajattyń esebin túzedi. Osyndai derekter búkil aýdandardan jinalyp oblysqa, oblystan bekitilip, Ulttyq ekonomika ministrligine túsedi. Ministrlik sol qujattar boiynsha qajetti qarjyny bóledi. Saýal ielerine osy maǵynada jaýap berilip jatyr», - deidi ministrlik ókili.
Baspasóz hatshynyń aitýyna qaraǵanda, Ulttyq ekonomika ministrligi budan ári qarai da jurtpen keri bailanysty nyǵaita bermek.
«Paraqshaǵa pikir qaldyrmai, jeke akkaýnt arqyly habarlama joldap jatqandar bar. Keshke deiin saýaldar sany 500-den asýy yqtimal. Vitse-ministr saýaldarǵa múmkindiginshe qolma-qol jaýap berýde. Al zerdelep, naqtylaýdy talapt etetin saýaldar taqyrybyna qarai toptalyp jatyr. Árbir saýal iesi tolyqqandy jaýap alatyn bolady. Bul konferentsiianyń negizgi maqsaty – túlekter men stýdentterge aqparattyq kómek berý. QR Prezidentiniń joldaýynda «Diplommen aýylǵa» baǵdarlamasyna bólinetin qarjyny kóbeitý tapsyrylǵan bolatyn. Internet konferentsiia sol tapsyrmany oryndaý maqsatynda uiymdastyryldy. Biraq halyqpen áleýmettik jeli arqyly keri bailanys ornatý bul sharamen shekteledi degen oi qalyptaspaýy kerek. Bizdiń paraqshaǵa túsken árbir saýal men usynysty ýaqtyly taldap, jaýap berip otyrý jaǵy jolǵa qoiylǵan», - deidi Shyńǵys Iliiasov.
