Almaty Ortalyq meshitiniń naib imamy Erjan Esim Óńirlik kommýnikatsiialar qyzmeti alańynda vaktsina alý máselesine din qalai qaraitynyn aityp berdi, dep habarlaidy QazAqparat.
Spikerdiń sózinshe, birde-bir dástúrli dinde vaktsina alýǵa tyiym salynbaǵan.
«Biz otbasymyzdy koronavirýstan qorǵap, árqaisyna qamqorlyq jasaýǵa tiispiz. Vaktsinalaný – bul jalǵyz sheshim jáne qazir óte mańyzdy. Din árkimge ómir men densaýlyqqa durys kútim jasaýdy jáne aýrýdyń aldyn alý joldaryn izdeýdi mindetteitinin este ustaǵan jón. Vaktsinalar birqatar musylman elderinde qoldanylady. Din vaktsinatsiiaǵa qarsy emes», - deidi Erjan Esim.
Ol sondai-aq Saýd Arabiiasy biliginiń sheshimimen Mekke men Medinadaǵy qasietti oryndarǵa úlken jáne kishi qajylyqqa qatysý úshin musylman qajylary koronavirýsqa qarsy vaktsinalaýdan ótýi kerek ekenin aitty.
Erjan Esim vaktsinalardyń halaldyǵy jóninde alańdaýdyń qajeti joq ekenin tilge tiek etti.
Mysaly, QazVac qazaqstandyq vaktsinasy halal jalpy talaptarǵa sáikestik sertifikatyn aldy. Sonymen qatar, QazVac «delta» nusqasyna qarsy tiimdi. Ǵalymdar beitaraptandyrý reaktsiiasyn synaqtan ótkizdi, bul otandyq vaktsinamen egilgen antidenelerdiń joǵary deńgeiin kórsetti.
Almaty Ortalyq meshitiniń naib imamy Almaty turǵyndaryn immýndaý naýqanyna belsendi qatysýǵa shaqyrdy, óitkeni búginde qaýipti virýsty jeńýdiń jalǵyz joly.
Sondai-aq, ol internette dinge eshqandai qatysy joq qaýesetterge senbeýge keńes berdi.
«Almaty qalasy musylmandarynyń dini basqarmasy vaktsinalanýdy qoldaidy jáne meshitke kelýshilermen ekpe saldyrý týraly áńgimelesedi. Jalpy, aýrýdyń aldyn alý úshin vaktsinalaný – «mýbah» qajet. Iaǵni, ekpe salýǵa ruqsat beriledi», - deidi spiker.
