2019 jyly "Slavian bazary" baiqaýynda gran-pri iegeri atanyp, Dimash Qudaibergenniń jetistigin qaitalaǵan qazaqstandyq ánshi Ádilhan Makin "Resei daýysy" jobasynda qazylar alqasy men kórermenderdi tańǵaldyrdy, dep habarlaidy Sputnik Qazaqstan.
27 jastaǵy Ádilhan baiqaýda Alla Pýgachevanyń "Ne otrekaiýtsia liýbia" ánin oryndady. Onyń ónerine tánti bolǵan qazylar alqasynyń eki múshesi – Aleksandr Gradskii men Dima Bilan buryldy.
"Men Dimashtan keiin eshteńege tańǵalmaityn boldym. Al búgin sen meni tańǵaldyrdyń. Joǵarǵy registrde tenor, orta registrde bariton, tómengi registrde tómengi bas sekildi shyrqaisyń. Bul óte sirek kezdesetin jaǵdai", - dep atap ótti Gradskii.
Otandasymyz baiqaýdaǵy tálimgeri retinde Aleksandr Gradskiidi tańdady.
Aita keteiik, Ádilhan Makin - 1994 jyldyń 5 qazanynda Petropavl qalasynda týǵan. Onyń mýzykalyq talanty bala kúninen baiqala bastaidy. T. Júrgenov atyndaǵy Qazaq ulttyq óner akademiiasynda "Estradalyq vokal" mamandyǵy boiynsha bilim aldy.
Ánshi Bolgariiada pop-rok oryndaýshylar arasynda ótken "Sarandev 2019" halyqaralyq jastar baiqaýynda birinshi oryn ielengen. Budan bólek, 2018 jyly X Factor telejobasyna qatysyp, finalǵa deiin jetti.
Ádilhan – Dimash Qudaibergennen keiin "Slavian bazary" halyqaralyq baiqaýynda jeńiske jetken ekinshi qazaqstandyq. 2015 jyly Dimash bas júldeni ielenip, qazaq eliniń mereiin asyrǵan edi.
Dimash pen Ádilhan qurdas, alǵash 2012 jyly "Jas qanat" baiqaýynda tanysqan. Sol jyly baiqaýda Dimash jeńimpaz atandy.
