4 qarasha kúni Dimash Qudaibergenniń jańa kompozitsiialarynyń biri «Fly Away» tanymal FM Kiryu japon radiostantsiiasynyń efirinde shyrqalady, dep habarlaidy QazAqparat dimashnews-ke silteme jasap.
FM Kiryu efirinde qazaqstandyq oryndaýshynyń ánderin usyný dástúrge ainaldy. Dimashtyń tanymal «Screaming» kompozitsiiasy alǵash ret japon radiostantsiiasynda 2020 jyldyń 18 maýsymynda shyrqalǵan bolatyn.
Sol kezde ánshiniń daýysyn estigen radio júrgizýshileri qatty tańǵaldy. Sonymen qatar, efir kezinde olar kóptegen jaqsy pikirler aldy.
Alǵashqy efirden keiin japon fan klýbynyń jankúierleri birden basqa kompozitsiiaǵa suranys jasady. Birneshe ret suratqan. Osylaisha, 4 qarashada «More Music» baǵdarlamasynda qazaqstandyq ánshi ániniń altynshy transliatsiiasy ótedi.
Jańa efirde radio júrgizýshiler ánshiniń «Fly Away», «Daididaý» jáne «Golden» atty úsh kompozitsiiasyn rotatsiialaýdy josparlap otyr.
