Dimash Qudaibergenniń 5 eldegi fanattary «Daididaý» ánin oryndap, video jariialady, dep habarlaidy "Ult aqparat" dimashnews saityna silteme jasap.
Video AQSh-taǵy fan-klýbtyń YouTube-kanalynda jariialandy.
Biylǵy naýryz aiynyń basynda «Dimash USA FC» atalatyn amerikalyq fan-klýbta Dimashtyń týǵan kúnine orai quttyqtaý videorolik túsirý ideiasy týyndaǵan.
Dimash oryndaǵan ándi onyń ana tilinde hormen shyrqaý usynylady. Fanattar «Daididaý» ánine toqtaidy. Sebebi onyń Niý-Iorktegi kontsertinde bolǵan amerikalyq fanattar úshin bul ánniń mańyzy zor.
Osylaisha, fan-klýb ákimshisi «FaceTime» arqyly videoqońyraý stilinde video jazyp, óz ideialary týraly aitqan. Ózge fanattar da qoldaidy degen senimmen ony fan-klýbtyń Facebook-tegi resmi akkaýntyna ornalastyrǵan. Qulaqqap kiip, Dimashtyń «Daididaý» ánin ýnison oryndaý qajettigi aitylady. Biraq videoda tek olardyń ǵana daýysy estilýi tiis boldy.
Videolar jinalǵan soń, fan-klýb ákimshisi olardy tutas bir rolikke biriktirgen.
Amerikalyq fanattardyń aitýynsha, qazaq tilinde án aitý ońaiǵa soqpaǵan. Biraq qyzyq bolǵan. Transliteratsiianyń kómegi de tigen. Birqatar jankúier bekvokal jazyp, ándi odan ári árlei túsken.
«Jalpy alǵanda, horǵa AQSh-tyń 7 shtaty men tórt memleketten (Niderlandy, Kanada, Kolýmbiia, Úndistan) 21 adam qatysty.
Sonymen birge, AQSh-tyń 21 shtatynan jáne tórt elden (Argentina, Braziliia, Kanada, Niderlandy) 102 fanattyń quttyqtaý lebizderi videoǵa jazyp alyndy», - delingen saitta.
Eske sala ketsek, 24 mamyrda Dimash 26 jasqa toldy. Álemniń birneshe elindegi jankúierler oǵan túrli quttyqtaýlar joldady.
Al qytailyq fanattar ánshiniń qurmetine shól dalaǵa 3 myń aǵash otyrǵyzdy.
Sonymen birge, Dimash Instagram paraqshasynda jankúierlerimen qaýyshyp, olardyń suraqtaryna jaýap berdi.
Budan bólek, onyń týǵan kúni qurmetine Dimash Manga (Manga D’R’S’) jańa resmi joba tanystyryldy. Manga D’R’S’ — bul erekshe jáne qyzyqty siýjeti bar japon komiksteri (manga) janryndaǵy shyǵarmalar tsikli. Komiksti álemniń 7 tilinde elektrondy nemese baspa túrinde arnaiy saittan satyp alýǵa bolady. Oqiǵa jelisi 2019 jyldyń 10 jeltoqsanynda Dimashtyń Niý-Iorktegi kontsertinen bastaý alady. Manga D’R’S’ shamamen 1 shildede satylymǵa shyǵa bastaidy.
Al Estoniianyń Tallin qalasyndaǵy tarihi saiabaqta ánshiniń qurmetine kóshet otyrǵyzylyp, janyna estelik belgi qoiyldy.
