Álemge áigili qazaqstandyq ánshi Dimash Qudaibergen áleýmettik jelidegi paraqshasynda "Novaia volna" baiqaýynda túsirilgen videony júktedi, dep jazady Sputnik Qazaqstan.
Halyqaralyq konkýrsta Dimash qazylar alqasynyń quramynda boldy. Sondai-aq birneshe ret sahnaǵa shyǵyp, óner kórsetti.
Al "Ia skýchaiý po tebe" ánin oryndaǵannan keiin ánshiniń fanattary gúldi úiip tastady. Dimash olardy bir ózi alyp kete almady. Sahnadaǵy gúldi alyp ketý úshin kómekshilerdi shaqyrýǵa týra keldi.
Baiqaý uiymdastyrýshylary da, kórermender de qazaqstandyq ánshige kórsetilgen qoshemetke tańǵaldy.
"Dimash gúldiń astynda qaldy, al jankúierler baqytty! Dál osylai bolýy kerek", - dep jazdy fanattar.
Sondai-aq jankúierler osy ándi nege jaqy kóretinin de jetkizgen.
"Dimash, osy án bizge kóp emotsiia syilaidy. Bul barlyq Diarstyń (jankúierlerdiń) ánurany desek te bolady. Ony da senimen birge aita alamyz. Ókinishke qarai, osy joly ondai múmkindik bolǵan joq", - dep jazdy taǵy bir fanat.
Aita keteri, Dimash Qudaibergen Shýberttiń Ave Maria baladasyn da oryndap bergen.
