Aziianyń eń súikimdi jigiti atanǵan ánshi Dimash Qudaibergen saqal qoiyp, murt ósirgen, dep habarlaidy QazAqparat.
Ánshi Instagram-daǵy paraqshasynda: «Quarantine style in China», - dep jazdy, iaǵni «Qytaidaǵy karantindik stil»
Jazbanyń astyna pikir qaldyrǵan jeli qoldanýshylary tańdanystaryn jasyrmaýda. Degenmen, jyly lebizderin qaldyryp jatyr: «Áp, bárekeldi!», «Saǵan qyrynýdyń, shash alýdyń qajeti joq. Báribir de bárimizdiń súiikti Dimashymyz bolyp qala beresiń!», «Kóz úirenbegen, biraq óte tartymdysyń!», «Qudaiym-ai, múldem bólek adam!».
Alaida, Dimashtyń jańa imidji kóńilinen shyqpaǵan fanattar da tabylyp jatyr.
Eske salaiyq, qyrkúiek aiynyń sońynda qazaqstandyq ánshi shyǵarmashylyq jumysyn jalǵastyrý úshin Qytaiǵa oralǵanyn jazǵan edi.
Al 1 qazanda Kingchoice.me saitynda Aziiadaǵy tartymdy juldyzdardyń reitingi jariialandy. Internet qoldanýshylardyń daýys berýi boiynsha túzilgen reitingide Dimash 9,3 millionnan astam daýyspen kósh bastady. Odan keiingi oryndaǵy koreialyq BTS tobynyń solisi Kim Sokdjin 8,1 millionan astam daýys jinady.
