Memlekettik Kreml saraiynda «Viktoriia-2020» mýzykalyq syilyǵy ótti. Bul týraly dimashnews.com saity habarlady.
Biyl koronavirýs pandemiiasyna bailanysty saltanatty rásim erekshe formatta ótýde. Alǵash ret kórermender bolmady.
Bul shekteýler reseilik mýzyka indýstriiasyndaǵy BAQ-qa da áser etti. Is-sharaǵa barlyǵy 30 jýrnalist jiberildi. Olardyń árqaisysy, ár elden kelgen qatysýshylar sekildi memlekettik Kreml saraiyna barý úshin COVID-19 testin tapsyrdy.
Shara bastalmas buryn jýrnalister qyzyl kilemge jarqyrap shyqqan juldyzdy qonaqtardy qaýmalap aldy. Kóńilderi kóterińki, erekge atmosferany sezingen ánshilerdiń barlyǵy sahna men ózderiniń súiikti kórermenin saǵynatyndaryn aitty.
Qyzyl kilemge Filipp Kirkorov, Sergei Lazarev, Oleg Gazmanov, Artýr Pirojkov jáne basqa da tanymal ánshiler shyqty.
Olardyń qatarynda Dimash Qudaibergen de bar. Ony «Viktorii-2020» syilyǵynyń «Úzdik pop-oryndaýshysy» nominanty.
«Biz Dimashtyń osyndai beldi syilyqqa usynylǵanyna óte qýanyshtymyz jáne ol ataqty ártistermen qatar sharaǵa qatysady. Is-shara kórermensiz, tek teleaiziialyq formatta ótetini ókinishti», – dedi ánshiniń prodiýseri jáne ákesi Qanat Aitbaev.
Qyzyl kilemde Viktoriia syilyǵyn uiymdastyrýshylardyń biri Igor Krýtoi saltanatty rásimde shekteýlerge qaramastan óziniń optimisttik ustanymyn kórsetti.
«Biz Premiiany mundai formatta alǵash ret uiymdastaryp otyrmyz. Biraq áser keremet, kóńil – kúi kóterińki», – dedi kompozitor.
Shara kezinde Dimash kompozitor Igor Krýtoidyń áni, mátinin álemge áigili ánshi Lara Fabian jazǵan Your Love ánin oryndady.
«Viktoriia-2020» premiiasynyń tolyq nusqasyn 18 jeltoqsan kúni «Rossiia-1»arnasynan kórýge bolady.
