Ánshi Dimash Qudaibergen oryndaǵan serial saýndtregi Qytaidyń QQ MUSIC platformasynda birinshi orynnan kórindi, dep habarlaidy "Ult aqparat".
«Meniń qytailyq jańa serialǵa arnap oryndaǵan saýndtregim Qytaidyń QQ MUSIC platformasynda birinshi orynda tur. Tómendegi foto – meniń qytailyq komandamen túsken fotosýretim (agentter, prodiýserler, menedjerler - Black Golden kompaniiasynan). Bul komandamen I am singer jobasynan beri úsh jyl boiy jumys istep kelemin. Jańa jobalardy kútińizder», - dep jazdy ánshi Instagram paraqshasynda.
Eske sala ketsek, jaqynda ǵana Dimash Qudaibergen Resei astanasyndaǵy Memlekettik Kreml saraiynda jańa «Your Love» ániniń tusaýyn kesken edi. Jańa kompozitsiia onyń YouTube arnasynda jariialandy.
Ánshi sonymen qatar 11 naýryzda - Kievte, 19 naýryzda - Gambýrgte, 21 naýryzda - Diýsseldorfta, 25 naýryzda - Pragada, 29 naýryzda - Shtýtgartta jáne 4 sáýirde Minskide óner kórsetedi. Buǵan deiin habarlaǵandai, Arnau tour aiasynda Dimash 11 kontsert ótkizbek.
