Qytaidyń Hýnan telearnasynyń «Singer 2017» án baiqaýynyń aqtyq básekesinde óner kórsetip, ekinshi oryndy jeńip alǵan Dimash Qudaibergen qoldaý kórsetken barsha jankúierlerine alǵysyn bildirip jatyr, dep habarlaidy Ult.kz tilshisi.
Ol óziniń Instagram jelisindegi paraqshasynda qoldaý bildirgenderge sheksiz rizashylyǵyn jetkizgen.
«Júregim óner dep soǵady, maqsatym - án aitý, kúlli álemge ishimde jatqan bardy jar salý... Mindetim - qazaq ánin pash etý, jankúierlerime jan júregimde jatqan jyrdy jyrlaý, ónerimdi baǵalaityndarmen birge tolǵaný, tebirený!.. Meniń áli aitarym bar! Bul - bastamasy! Jeńis qutty bolsyn!!! Júregim Sizdermen birge!!! Ystyq yqylastaryńyz úshin raxmet!!!», - dedi erekshe talantymen talaidy tamsandyrǵan daryndy ánshi.
Aita keteiik, Dimash Qudaibergen baiqaýdyń on kezeńnen turatyn irikteý básekesinde úsh ret birinshi oryn aldy.Al aqtyq synda oǵan ekinshi oryn buiyrdy. Gonkong qalasynyń týmasy Lin Ilian (Sandy Lam) birinshi oryndy jeńip aldy, al taivandyq "Arystan" (Lion) toby úshinshi oryndy ielendi.
