Aty álemge máshhúr qazaqstandyq ánshi Dimash Qudaibergen ózine qoldaý kórsetken Memleket basshysy Qasym-Jomart Toqaevqa alǵys bildirdi, dep habarlaidy "Ult aqparat".
«Yqylas, nietińiz úshin, asa zor qurmetińiz úshin kóp rahmet, Qasym-Jomart Kemeluly!», - dep jazdy Dimash Instagram-daǵy paraqshasynda.
Ánshi jazbanyń astyna QR Prezidenti Qasym-Jomart Toqaevtyń Instagram-daǵy resmi paraqshasynda jazǵan sózderin keltirdi.
Osyǵan deiin Memleket basshysy áleýmettik jelidegi paraqshasynda Dimash týraly pikirimen bólisip, onyń áli talai biikterdi baǵyndyraryna senim bildirdi.
«Dimash Qudaibergen - án ónerindegi qubylys. Naǵyz talant iesi. Qazaqtyń mádenietin, án ónerin shartarapqa pash etip júrgen virtýoz. Keshe qazaqtyń maqtanyshyna Ózbekstan jurtshylyǵy da tánti bolyp, ónerine qol soqty. Dimashtyń áli talai biikterdi baǵyndyraryna senimdimin jáne tilektespin», - dep jazdy Qasym-Jomart Toqaev Instagram-daǵy paraqshasynda.
