Dimash Qudaibergen Máskeýde jańa jyldyq keshtiń túsirilimine qatysty. Ol "Jańa jyldyq sham" keshinde Igor Krýtoi men Igor Nikolaevtyń "Men seni saǵyndym" atty jańa ánin oryndady, dep habarlaidy Sputnik Qazaqstan.
Ánshi Dimash Qudaibergen Instagram paraqshasynda Hizri Baitazievpen túsken fotosyn jariialap, Máskeýge ushyp bara jatqanyn jazdy.
Reseilik kompozitor Igor Krýtoi da jeke paraqshasynda Dimashty qalai kútip alǵany, kontserttiń qalai ótkeni kórsetilgen video jariialady.
"Búgin baqytty kún. Sebebi Igor Nikolaevpen birge jazǵan "Men seni saǵyndym" atty jańa ánimiz meniń jáne kópshiliktiń súiikti ánshisi Dimash Qudaibergenniń oryndaýynda ómir jolyn bastap jatyr", - dep jazdy Krýtoi.
Sonymen qatar Dimashpen jyly júzdesip, ótken toǵyz aidaǵy ómirine qatysty áserin bóliskenin jazdy.
"Stýdiiadaǵy kórermender qýana qarsy aldy. Bul qoshemet rejisserdiń nusqaýymen soǵylmaǵany sengim keledi. Eldi jańa jylmen quttyqtadyq. Súiikti ispen ainalysý qandai baqyt! Men 2020 jyldy tezirek ótkizip, 2021 jyl koronavirýsty jeńip, barsha halyqqa beibitshilik pen dostyq, ár adamǵa tynyshtyq pen mahabbat ákeletinine senemin", - dep jazdy ol.
Al Dimash Qudaibergen toǵyz aidan keiin sahnaǵa shyǵar aldynda qobaljý men qýanysh seziminiń qatar turǵanyn aitty.
"Qurmetti dostar! Bul óte tolǵanysty sát, araǵa toǵyz ai salyp men qaitadan sahnaǵa shyqtym. Kórermenderdi qatty saǵynyp qaldym. Árine, sahnany, Igor Iakovlevichti, ol kisiniń roialin saǵyndym", - dedi Dimash Qudaibergen.
Sondai-aq, ánshi jańa ánniń kórermen kóńilinen shyǵatynyna senim bildirdi.
