Qazaqstandyq ánshi Dimash Qudaibergen Qytaida realiti-shoýǵa qatysady. Bul týraly ol Instagram-daǵy paraqshasynda jazdy, dep habarlaidy QazAqparat.
«Beijińnen Ýsi qalasyna ushyp keldik. Jaqyn arada bir qyzyqty baǵdarlamaǵa qatysqaly jatyrmyn. Bul jobada Qytaida tanymal ártister 4-5 adamnan turatyn toptarǵa bólinip, ózara toptardyń oiyndaryn júrgizedi», - deidi ánshi.
Onyń aitýynsha, bul – vokaldyq saiys emes.
«Bul jobada: tanymal ánshiler, akterler, reperler, bishilerden top jasaqtalyp, sol topty joba sońyna deiin jetkizý qajet. Missiiasy oiyn túrindegi bul joba sizder úshin de qyzyq bolady dep oilaimyn», - dep jazdy Dimash jelide.
