Foto: golos-naroda.kz
Qazaqstandyq tanymal ánshi Dimash Qudaibergen «Stranger» álemniń týrnesinen túsken qarajattyń bir bóligin Túrkiiada zilzaladan zardap shekkenderge aýdarady, dep habarlaidy QazAqparat.
«Qazaq halqyna baýyrlas, aǵaiyn el bolyp sanalatyn Túrkiiadaǵy, Siriiadaǵy jáne basqa da elderde tabiǵattyń zalalynan kóptegen adamnyń qaza tapqanyn estidik. Árine, zor kúizelispen qabyldap otyrmyz. Barlyq dúnie salǵan adamdardyń jaqyndaryna qaiǵyra kóńil aitamyz. Aýyr halde kúi keship jatqan baýyrlarymyzǵa tezirek saýyǵyp ketýin tileimiz», - dedi qazaqstandyq ánshi óziniń Instagram paraqshasynda.
Osy tusta ánshi álem boiynsha uiymdastyrlyp jatqan jeke keshterinen túsken qarajattyń bir bóligin zardap shekken otbasylarǵa kómek retinde aýdaratynyn aitty.
«Ár otbasyǵa amanshylyq tileimin. Aspanymyz ashyq, álem atty ortaq úiimiz apat pen zilzaladan aman bolsyn. Elimizde, álemde tynyshtyq bolsyn! Barsha álem halqy baqytty bolsyn!», - deidi Dimash Qudaibergen.
Aita keteiik, búgin qazaqstandyq qutqarýshylar men dárigerler borty Gaziantep qalasyna qonady. Sońǵy derekter boiynsha, Túrkiiada zilzaladan kóz jumǵan adamdar sany 3419 adamǵa jetti, 20534 adam jaraqat aldy.
