Álemge tanymal ánshi Dimash Qudaibergen «King Choice» reitinginde (Aziiadaǵy eń symbatty 100 jigiti) kósh bastady, dep habarlaidy QazAqparat.
Arnaiy saittaǵy málimetterge qaraǵanda, D. Qudaibergen 5,9 mln daýys jinady.
Ekinshi orynda 5 859 003 daýys alǵan Ońtústik Koreianyń BTS tobynyń solisi (Kim Seokjin) tur.
Aita keteiik, daýys berý biylǵy 30 qyrkúiekke deiin jalǵasady.
19 qyrkúiekte «Jas Otan» Jastar qanatynyń belsendileri áleýmettik jelilerde «King Choice» reitinginde Dimash Qudaibergenge daýys berýdi qoldaý úshin #JasOtanQoldaidy aktsiiasyn iske qosty.
«Jas Otan» JQ tóraǵasy Nurjan Jetpisbaev áleýmettik jelilerde qazaqstandyqtardy otandasymyzǵa daýys berýge shaqyrdy. Bul úndeý jasotandyqtar arasynda chellendjge ulasty.
«Sizderdi qazaqstandyq jastardyń taǵy bir ókili, tamasha daýys iesi - Dimash Qudaibergendi qoldaýǵa shaqyramyn. Qazaqstandyqtardyń ortaq kúsh-jigerimen biz baiqaýda jeńiske jetýge kómektesemiz dep senemin!», - dep jazdy Nurjan Jetpisbaev.
Daýys berý erejelerimen @jas_otan Instagram jáne Facebook paraqshalarynda tanysýǵa bolady.⠀
