Ánshi Dimash Qudaibergen Evrovidenie baiqaýyna Resei atynan qatysý týraly usynystarǵa jaýap berdi, dep habarlaidy "Ult aqparat".
«Qurmetti dostar, Evrovidenie baiqaýyna Resei atynan qatysý týraly kóptegen hattar kelip túsip jatyr. Bul baiqaýǵa men tek qonaq retinde shaqyrsa ǵana qatysamyn. Qatysýshy retinde baiqaýǵa qatyspaimyn jáne kerek dep sanamaimyn», - dep jazdy ánshi óziniń Instagram-daǵy paraqshasynda.
Ol halyqaralyq arenada óz Otany – Qazaqstan atynan ǵana shyǵatynyn jetkizdi.
«Asa qurmetpen jankúierlerime aitarym, halyqaralyq arenada men tek qana bir eldiń atynan shyǵa alamyn, ol meniń Otanym - Qazaqstan! Qoldaýlaryńyz ben ystyq yqylastaryńyzǵa raqmet. Meniń «Arnaý» atty jeke kontserttik týrnemde kezdeskenshe!», - deidi Dimash.
Aita keteiik, Dimash aldaǵy úsh aida Eýropanyń 11 qalasynda jeke kontsert beredi.
