Ánshi Dimash Qudaibergen álemge áigili akter Djeki Chanmen kezdesken videosyn jariialady, dep habarlaidy "Ult aqparat".
Álemge tanymad ánshi men akterdyń kezdesýi ótken jyldyń jeltoqsanynda ótken edi. Dimash Qudaibergen ol kezde áigili akterdyń jańa úntaspasynyń tusaýkeserine qatysqan bolatyn. Ánshi búgin Instagram paraqshasynda sol kezdesýdiń videosyn jariialady.
«Djeki Channyń jańa albomynyń tusaý keserinde qonaqtamyn. Bizdiń ár kezdesýimiz syilyqtar almasýmen aiaqtalady. Alaida ol kisi meni otbasymnyń ár múshesine arnap úlken chemodan toly syilyqtar berip jiberý arqyly jeńip ketti. Tańǵajaiyp adam. Ol kisimen suhbattasqanda keremet áser alamyn. Ol kisi - basqa ártisterden tym bólek, dara tulǵa. Rýhani turǵyda bai adam. Biz bir-birimizben qoltańbalar almastyq», - dep jazdy ánshi Instagram paraqshasynda.
Eske sala keteiik, Dimash pen Djeki Chan burynnan jaqsy tanys. Qazaq ánshisi Qytaida ótken I am Singer jobasynda milliondaǵan qaýymnyń júregin jaýlaǵan bolatyn. Sonda áigili aktermen kezdesip, iyǵyna qazaqtyń shapanyn jaýyp, qońyr úndi dombyrasyn da syiǵa tartqan edi.
Sol joly Dimash Instagram paraqshasyna: «Búgin meniń ómirimde tarixi este qalatyn erekshe kún! Ataqty akter Djeki Chan myrza meni teledidardan kórip, kezdesýge shaqyrdy! Kezdesýde akter maǵan óziniń ekskliýzivti kúrteshesin jáne arnaiy firmalyq án tyńdaý qurylǵysyn syiǵa tartty! Al men akterge qazaqtyń shapanyn jaýyp, dombyra syiladym! Dombyramen bir kúi shertip berýimdi ótingen Djeki Chanǵa Nurǵisanyń Álqisasynan shashý shashtym! Óz kezeginde akter maǵan sońǵy «Kung Fu Yoga« kinokartinasyndaǵy bi qimyldaryn úiretti. Bala kezimnen beri kele jatqan súiikti akterim maǵan óz aqyl- keńesterin berip, shyǵarmashylyǵymdy baqylaitynyn aitty. Sóz sońynda, barsha Qazaqstan xalqyn jańa jyl merekesimen quttyqtap, ádemi lebiz-tilegin bildirdi! Kelesi kezdesýdi asyǵa kútemiz! Armandar oryndalady!» - dep jazǵan bolatyn.
Oqi otyryńyz
