Qazaqstandyq ánshi Dimash Qudaibergen taǵy da King Choice reitinginde Aziiadaǵy eń symbatty er adam ataǵyna úmitker boldy, - dep habarlaidy Tengrinews.kz tilshisi.
Baiqaý 30 qyrkúiekke deiin jalǵasady. Ekinshi orynda Dimash Qudaibergen (1 290 408 daýys), birinshi orynda BTS tobynyń ońtústikkoreialyq ánshisi Kim Sokdjin (1 973 428 daýys) tur. Ázirge úshinshi orynǵa 967 161 daýys jinaǵan tai akteri Ýin Metavin turaqtaǵan.
Dimash Qudaibergen - reitingtegi jalǵyz qazaqstandyq. Sonymen qatar, Koreia, Qytai, Taivan, Gonkong, Tailand, Japoniia, Filippinniń ánshileri men akterleri bar.
Daýys berýdegi aiyrmashylyq shamaly, sondyqtan jaǵdai ózgerýi de múmkin. Dimash Qudaibergenniń jankúierleri ánshini qoldaýdy surap otyr. Myna silteme boiynsha daýys berýińizge bolady.
2020 jyly Dimash Qudaibergen TC Candler 100 tiziminde jyldyń eń symbatty adamy ataǵyna usynylǵan bolatyn.
