Máskeýdegi VTB arenada dástúrli «Jyl áni» kontserti ótti. Ótken ǵasyrdyń 70 jyldarynda bastalǵan ańyzǵa ainalǵan festival bul joly barlyq ártister men olardyń jankúierleri úshin kópten kútken úlken merekege ainaldy, dep habarlaidy "Ult aqparat" DimashNews-ke silteme jasap.
Bul – koronavirýs pandemiiasyna bailanysty karantinnen keiingi Reseide ótken alǵashqy aýqymdy kontsert.
5 jeltoqsanda ótken keshte Dimash «Tam, gde jivet liýbov», «Your Love» jáne jańa «Ia skýchaiý po tebe» atty úsh ándi oryndap, jankúierleriniń kóńilinen shyqty. Ártis pen Dears-tiń (jankúierler) bir-birin qatty saǵynǵany anyq sezildi.
«Men qazir bastan keship jatqannyń bári - buryn-sońdy bolmaǵan eiforiia sezimi. Dál osy sátte «sózben jetkize almaimyn» degen tirkesti aitý oryndy bolar edi. Men 9 aidan beri sahnaǵa shyqqan joqpyn, sondyqtan kópshilik aldynda, ásirese osyndai qiyn kezeńde qaitadan óner kórsetkenime óte qýanyshtymyn. Meni qoldaýǵa kelgenderińiz úshin alǵys bildiremin. Men bárińizdi jaqsy kóremin, sizderdi qatty saǵyndym!», - dedi ol.
Máskeýge «Jyl ánine» túrli qaladan Dimashtyń jankúierleri keldi. Olar sondai-aq kópten kútken kezdesýden alǵan áserimen bólisti. Olardyń aitýynsha, Dimash tamasha óner kórsetken.
«DimashAli» shyǵarmashylyq ortalyǵynyń jetekshisi Qanat Aitbaev Dears-ke osylai jyly qabyldaǵany úshin alǵysyn bildirdi.
