Dimash Qudaibergen óziniń Instagram-daǵy paraqshasynda CBS telearnasyndaǵy amerikalyq The World's Best ("Álemniń úzdikteri") talanttar shoýy týraly aitty, dep habarlaidy "Ult aqparat".
"Bárin basynan bastaimyn. Biraq soǵan laiyq pa? Laiyq. Óitkeni kim jeńilýge daiyn bolmasa, jeńýge de daiyn emes. Ýaqyty kelgen sekildi. 3 aqpan. Amerika. CBS arnasynda jańa shoý. Bul meniń sońǵy konkýrsym bolady", — dep jazdy Dimash.
Dimash Qazaqstan atynan qatysyp otyrǵan jalǵyz ánshi emes. "Golos. Diti" baiqaýynyń jeńimpazy, "Balalar Evrovideniesine" qatysýshy Daneliia Tóleshova da bul konkýrsta baǵyn synamaq.
CBS arnasyndaǵy baǵdarlamany komik Djeims Korden júrgizedi, al ádilqazylar alqasynda aktrisa Driý Berrimor, telejúrgizýshi RýPol Andre Charlz jáne ánshi Feit Hill bolady. Qatysýshylar úsh jiýridi ǵana emes, ár salanyń 50 sarapshysyn tańǵaldyrýy tiis.
Baǵdarlama barlyǵy 10 bólimnen turady. Jobany American Idol ("Amerikalyq idol") atqarýshy prodiýseri Maik Darnell men The voice atqarýshy prodiýseri Mark Bernett uiymdastyryp otyr.
