IIM videosynan/Tengrinews.kz
Jýyrda Almatyda arnaiy operatsiia barysynda ustalǵan Arman Jumageldiev sot sheshimimen 2 aiǵa qamaýǵa alyndy. Bul týraly Nur-Sultan qalalyq sotynyń baspasóz qyzmeti habarlady, dep jazady Sputnik Qazaqstan.
"Nur-Sultan qalasy mamandandyrylǵan aýdanaralyq tergeý soty kúdikti Arman Jumageldievke qatysty 2 ai merzimge qamaýda ustaý túrinde bultartpaý sharasyn sanktsiialady", - delingen habarlamada.
Sotqa deiingi tergeýdiń ózge málimetteri QPK 201-babyna sáikes jariia etilmeidi.
Aita keteri, Arman Jumageldiev kópshilikke "Dikii Arman" laqap atymen tanymal.
Eske salsaq, 7 qańtarda Almatydaǵy arnaiy operatsiia barysynda "Dikii Arman" bastaǵan uiymdasqan qylmystyq toptyń alty múshesi ustalǵany habarlandy.
Qylmyskerlerden túrli marka men kalibrli 4 jartylai avtomatty tapansha, oq-dári, sýyq qarý men brondalǵan kólik tárkilendi. "Dikii Armandy" ustaý sátiniń sýretteri jariialandy. Olarǵa qaraǵanda ustaý operatsiiasy qonaqúilerdiń birinde bolǵan.
