Nur-Sultan qalasynda koronavirýs infektsiiasynyń taralýyn boldyrmaý úshin dezinfektsiialaý boiynsha aýqymdy jumystar júrgizilip jatyr, dep habarlaidy QazAqparat.
Birinshiden, qala kósheleri, trotýarlar, aialdamalar jáne basqa da qoǵamdyq oryndar kúndelikti negizde arnaiy eritindilermen dezinfektsiiadan ótip jatyr. Dezinfektsiialaý is-sharalaryn ótkizýge qalalyq qyzmetterden basqa qarýly kúshterdiń biologiialyq qorǵaý bólimshesiniń áskeri qyzmetshileri de jumyldyryldy. Qoldanylyp jatqan eritindi adamdar men janýarlar úshin qaýipsiz. Qala aýmaǵyn eritindimen óńdeýge kúndelikti 450 adam qatysady.
Ekinshiden, áýejaida, vokzaldarda, áleýmettik nysandarda, bazarlarda, saýda oiyn-saýyq ortalyqtarynda jáne basqa da adam kóp jinalatyn jerlerde dezinfektsiialaý sharalary kúsheitildi. Sanitarlyq tártip kúsheitildi. Jumys oryndary men ǵimarattarda muqiiat óńdeý júrgizilip jatyr. Barlyq qyzmetkerler meditsinalyq maskalarmen, antiseptiktermen jáne basqa da meditsinalyq qorǵanys quraldarymen qamtamasyz etildi.
Úshinshiden, 2 myńnan astam turǵyn úi dezinfektsiiadan ótýi qajet. Páter ieleri kooperativteri men qyzmet kórsetýshi kompaniialar úi kireberisterin, esikterdi, liftterdi, súienishterdi, tereze jaqtaýlaryn jáne t. b. dezinfektsiialaýǵa mindetti.
Elordada koronavirýs infektsiiasynyń taralýyna jol bermeý boiynsha barlyq sharalar qabyldanyp jatyr. Jedel shtab jumys isteidi. Qala turǵyndary tártipti saqtap, qajetsiz úiden shyqpaýy, barlyq qaýipsizdik sharalaryn saqtaýy qajet.
