Orta salmaqtaǵy (72,6 kelige deiin) álem chempiony titýlyna eki ret úmitker bolǵan Ýkraina eliniń 34 jastaǵy boksshysy Sergei Derevianchenko (13-2, 10 KO) Premier Boxing Champions podkastynyń júrgizýshilerine suhbat berdi. Onyń barysynda qazaqstandyq Gennadii Golovkinge (40-1-1, 35 KO) qarsy ótken sońǵy jekpe-jegi týraly aitty, dep habarlaidy "Ult aqparat" Sports.kz saityna silteme jasap.
Eske sala ketsek, ótken jyldyń qazan aiynda Derevianchenko men Golovkin IBF-tiń bos titýly úshin jekpe-jek ótkizgen bolatyn. 12 raýndqa sozylǵan aiqasta tóreshiler jeńisti biraýyzdan Golovkinge berdi.
«Jekpe-jekti qaita kórip shyǵýyma ýaqytym boldy jáne jeńiske men jettim dep oilaimyn», - dedi Sergei.
Tóreshiler sheshimimen jeńilis tapqanyna qaramastan, ýkrainalyq boksshy bul kezdesý óz mansaby úshin tek oń yqpal etkenin atap ótti.
«Osy jekpe-jektiń arqasynda tanymaldylyǵym arta túskenin bilemin. Biraq men oǵan kóp daiyndaldym, ábden jattyqtym jáne kórsetken ónerime dán rizamyn. Muny bári artta qalǵanymen, munyń kezdeisoq bolmaǵanyn jáne álem chempiony ekenimdi barlyǵyna dáleldeý úshin, budan da kóp jattyǵýǵa yntalandyrady», - dedi ol.
Derevianchenko «Golovkinmen revanshty qýana ótkizýge daiyn ekenin, biraq onymen bir mezgilde, munyń múmkin emestigin aitty. Sebebi Gennadiidi Kamil Sheremetamen mindetti jekpe-jek kútip tur. Sondai-aq «Kanelo» Alvarespen úshinshi kezdesý ótýi yqtimal.
