Foto: youngisthan.in
Aýyl partiiasy fraktsiiasynyń depýtattary, Qazaqstan Respýblikasynyń Ishki ister ministrine depýtattyq saýal joldady, dep habarlaidy Ult.kz. Depýtattar QR Ishki ister ministri Erjan Saparbekulyna áielderge arnalǵan amnistiia qarastyrýdy usynǵan.
Bizdiń elimiz qylmysqa qatysty saiasatty gýmanizatsiialaý baǵytyn ustanady.
“Sondyqtan Aýyl partiiasynyń fraktsiiasy sottalǵan áielderdiń jasaǵan qylmysy zorlyq-zombylyq jasaýmen bailanysty bolmasa, qoǵam úshin qaýip tóndirmeitin bolsa, ondai áielderge amnistiia jasaý múmkindigin qarastyryp kórýdi usynady”,- delingen depýtattyq saýalda.
Depýttattyrdyń pikinshe, mundai shara áleýmettik ádildik ornatýǵa, otbasy qundylyǵynyń nyǵaiýyna jáne ómirde qiyn jaǵdaiǵa tap bolǵan áielderdiń durys jolǵa túsýine jaǵdai jasaýǵa múmkindik beredi.
“Kóp jaǵdaida otbasydaǵy bala tárbiesi áielderdiń moinynda. Ana alaqannyń aiasy- aq shynardyń saiasy degen sóz bar”,-deidi depýtattar.
Búgingi tańda 2336 áiel bas bostandyǵynan aiyrylǵan, olardyń jartysy — analar, onyń ishinde 250-i kóp balaly analar.
1500-den astam bala anasyz qalyp, analarymen qaýyshýdy kútýde
100 ge jýyq sábi balalar úiine jiberilgen.
Bular jai ǵana tsifrlar emes — bul oiran bolǵan otbasylar, buzylǵan taǵdyrlar, eń soraqysy ana jylyýynan aiyrylǵan sábiler.
Ana mahabbaty, ananyń qamqorlyǵy - balanyń deni saý bolyp ósýiniń, psihikalyq jáne áleýmettik damýynyń buljymas negizi.
Osyǵan orai, sottalǵan áielderge amnistiiany qoldaný úshin kelesi kriteriler usynylady:
- zorlyq-zombylyqqa qatysy joq qylmysy úshin sottalǵan áielder;
- júkti áielder men kishkentai balasy bar áielder;
- kóp balaly áielder;
- alǵash sottalǵan áielder;
- jasy ulǵaiǵan (60-tan asqan) áielder.
Al aýyr qylmys, asa aýyr qylmys jasap, zorlyq-zombylyqqa bailanysty qylmys jasap, sol úshin sottalǵan, qoǵamǵa qaýip tóndiretin áielderge amnistiia jasalmaidy.
Bul máselede halyqaralyq tájiribe jetkilikti. Máselen,
- Qyrǵyzstanda áielderge 1996 jyldan beri 3 ret amnistiia jasalǵan.
- Ózbekstanda 2013 jyly amnistiia jasalyp, áielder men kámeletke tolmaǵandar bosatyldy.
- Resei Prezidenti 2023 jyly áielderge amnistiia jasaý týraly ideiany qoldady.
- AQSh-tyń keibir shtattarynda ártúrli qylmys jasap sottalǵan áielderge bir neshe ret amnistiia jasaldy.
Depýtattardyń aitýynsha: áielderge amnistiia jasalsa, elimizdiń penitentsiarlyq júiesine júkteme azaiady;
balalar úilerine túsetin júk tómendeidi;
áleýmettik shielenis azaiady;
memleketimizdiń adam quqyqtary men otbasyny qorǵaý salasyndaǵy halyqaralyq standarttardy ustanatynyn rastaýǵa múmkindik týady.
Atalǵan shara otbasylardyń qaýyshýyna, anasynan ajyraýdyń balalarǵa tigizetin saldaryn azaitýǵa septigin tigizip qana qoimai, qylmystyq saiasatty izgilendirý jolyndaǵy mańyzdy qadamǵa ainalady.
Otbasy úshin, qoǵam men memleket úshin bul sheshimniń uzaq merzimdi oń áseri bolmaq.
Aýyl partiiasy fraktsiiasynyń depýtattary:
“Sondyqtan, áielder óz otbasylary men balalaryna oralýyna múmkindik bereiik.
Baiandalǵannyń negizinde Ishki ister ministrligin osy másele boiynsha resmi pozitsiiasyn usynýdy suraimyn”,- dedi.
