Qazaqstan Respýblikasynyń Densaýlyq saqtaý ministrligi áleýmettik jelilerde aýtizm týraly tarap jatqan jalǵan málimdemelerge qatysty qazaqstandyqtarǵa úndeý jasady, dep habarlaidy ult.kz.
Ministrlik sońǵy ýaqytta internette «aýtizmdi tolyq emdeý», «jalǵan aýtizm» sekildi ǵylymi dáleli joq teoriialar jii taralyp jatqanyn atap ótti. Vedomstvo azamattardy mundai aqparatqa syn kózben qarap, tek dáleldi meditsinaǵa senýge shaqyrdy.
Ministrliktiń málimetinshe, aýtizm spektriniń buzylystary — halyqaralyq meditsinalyq qaýymdastyq moiyndaǵan neirodamýdyń ereksheligi. Aýtizmniń paida bolýy tárbiege, gadjetterge nemese vaktsinatsiiaǵa bailanysty emes ekeni aityldy.
Sondai-aq búgingi kúni aýtizmdi «tez ári tolyq emdeidi» degen ǵylymi turǵyda dáleldengen ádis joq ekeni eskertildi.
Vedomstvo ókilderiniń aitýynsha, kúmándi dáriler men «ǵajaiyp terapiialar» týraly ýádeler ata-analardy adastyryp qana qoimai, balanyń ýaqytyly kásibi kómek alýyna kedergi keltirýi múmkin.
– Bala úshin eń mańyzdysy – erte anyqtaý, der kezinde túzetý kómegin alý, mamandardyń súiemeldeýi jáne otbasynyń qoldaýy, – dep málimdedi ministrlik.
Qazaqstan Respýblikasynyń Densaýlyq saqtaý ministrligi balalar densaýlyǵy haip pen jalǵan sensatsiianyń quralyna ainalmaýy tiis ekenin atap ótti.
