Pfizer kompaniiasy Qazaqstanǵa koronavirýsqa qarsy vaktsinasyn 14 qarashaǵa deiin jetkizýge ýáde berdi. Bul jóninde beisenbi kúni jýrnalisterge Densaýlyq saqtaý vitse-ministri Marat Shoranov habarlady.
"Pfizer vaktsinasy 8-14 qarasha aralyǵynda jetkizilýi tiis" dedi Shoranov. Onyń sózinen Vlast saity úzindi keltiredi.
Vitse-ministrdiń sózine qaraǵanda, ekpe Qazaqstan men Pfizer arasynda jasalǵan kelisimge sai tasymaldanady. Elge 4 mln vaktsina jetkizilmek. Ol 2 mln adamǵa ekpe egýge jetedi.
6 qazan kúni Densaýlyq saqtaý ministri koronavirýsqa qarsy Pfizer ekpesiniń 4 million dozasyn elge jetkizý boiynsha kelisim jasalǵanyn habarlaǵan edi. Germaniialyq ǵalymdar oilap taýyp, AQSh-ta shyǵarylatyn bul ekpeniń tiimdiligi 95 paiyzdan asady. Pfizer - DDSU men Eýropa alǵash moiyndaǵan vaktsinalardyń biri.
Qazaqstanda bul vaktsina birinshi kezekte 12-17 jastaǵy jasóspirimderge jáne júkti áielderge salynady.
