QR Bilim jáne ǵylym ministri Ashat Aimaǵambetov áleýmettik jelide Ulttyq mektep sport ligasynyń ashylý saltanatyna qatysqanyn habarlady.
Ministrdiń aitýynsha, biyl Ulttyq liga 8 sport túrinen emes, 10 sport túrinen ótedi. Liga sheńberinde uiymdastyrylatyn jarystar aldymen mektepterde, aýdan jáne oblysta, keiin respýblika deńgeiinde ótedi.
«Mundai is-sharalar balalarymyzdy sportpen ainalysýǵa yntalandyrý, sonyń ishinde qazaq halqynyń asyq atý jáne toǵyzqumalaq syndy dástúrli sport túrlerine baýlýǵa baǵyttalǵan.
Búgin mektep oqýshylary asyq oinap jatqanyn kórip, riza boldym. Balalyq shaǵymda bul oiyn biz úshin fýtbol siiaqty tanymal oiyndardyń qatarynda bolatyn» dep jazdy Ashat Aimaǵambetov.
Sondai-aq, odan balalar voleibol, basketbol, fýtbol, fýtzal, ústel tennisi, jeńil atletikalyq kross jáne basqa da sport túrlerin tańdai alady.
«Ministrlik mektep jáne stýdentter sport ligalaryn ótkizý sharalaryn qoldaidy. Biz sport sektsiialarynyń jalpy sanyn 50 myńǵa deiin arttyrýdy josparlap otyrmyz. Memleket basshysy Joldaýynda buqaralyq sportty damytýǵa erekshe nazar aýdardy. Qoiylǵan mindetterdi iske asyrý úshin QR BǴM keshendi jumys júrgizedi. Ministrlik mektep oqýshylarynyń sanyna bailanysty sport zaldarynyń sanyn ulǵaitýdy kózdeitin ázirlenip jatqan mektepterdiń úlgilik jobalaryna usynystar engizdi», - deidi ol.
Bilim ministriniń aitýynsha, balalardy sektsiialarmen qamtý olardyń tálimgerlerine de bailanysty. Sondyqtan sport sektsiialaryn júrgizetin dene shynyqtyrý muǵalimderine jumystary úshin ai saiyn qosymsha aqshalai qarajat tólenbek.
«Dene shynyqtyrý páni muǵalimderinen kóptegen usynys kelip túsetinin atap ótkim keledi. Olar sabaqtyń tiimdiligin arttyrý týraly óz oilarymen bólisedi. Jaqyn arada máseleni talqylaý jáne tiisti sheshimder qabyldaý úshin kezdesý ótkizetin bolamyn» dep túidi sózin vedomstvo basshysy.
