Sinoptikterdiń boljaýynsha, Qazaqstannyń birneshe óńirinde demalys kúnderi 40 gradýs ystyq bolady, dep habarlaidy "Ult aqparat" Qazgidrometke silteme jasap.
21-23 tamyz kúni kúndiz Atyraý, Batys Qazaqstan jáne Aqtóbe oblystarynda 41 gradýs qatty ystyq bolady. Tótenshe órt qaýpi saqtalady.
21 tamyz kúni kúndiz Aqmola oblysynyń ońtústik-batysynda 35 gradýs qatty ystyq bolady, sondai-aq tótenshe órt qaýpi bar.
21 tamyz kúni kúndiz Mańǵystaý oblysynda 35 gradýs ystyq bolady. Munda da tótenshe órt qaýpi saqtalady.
21 tamyz kúni kúndiz Qyzylorda oblysynyń ońtústik-shyǵysynda, ońtústiginde 15-20 m/s soltústik-shyǵys, shyǵystan shańdy daýyl soǵady. Qyzylorda qalasynda soltústik-shyǵystan jel soǵady, shańdy daýyl ekpini 17 m/s-qa deiin jetedi.
21-23 tamyz kúnderi kúndiz Batys Qazaqstan oblysynyń kóp bóliginde 41 gradýs qatty ystyq saqtalady, tótenshe órt qaýpi bar. Oral qalasynda 41 gradýs qatty ystyq bolýy yqtimal.
