"Qazgidromet" RMK sinoptikteri 4-6 qyrkúiekke arnalǵan aýa raiy boljamyn usyndy, - dep habarlaidy "Ult aqparat".
Batys óńirler belsendi frontal bólikter aimaǵynda bolady. Munda naizaǵai oinap, burshaq jaýyp, ekpindi jel soǵady jáne aýa temperatýrasy tómendeidi dep kútiledi. Respýblikanyń qalǵan aýmaǵynda antitsiklon áserinen qurǵaq jáne shýaqty aýa raiy saqtalady.
"Eldiń batysynda, soltústik-batysynda túnde aýa temperatýrasy 7-18 gradýs, kúndiz 17-26 gradýs jyly, soltústikte aýa temperatýrasy túnde 4-13 gradýs, kúndiz 22-30 gradýs jyly, ortalyqta jáne shyǵysta túnde aýa temperatýrasy 2-17 gradýs, kúndiz 25-36 gradýs jyly, respýblikanyń ońtústigi men ońtústik-shyǵysynda aýa temperatýrasy túnde 14-22 gradýs, kúndiz 29-38 gradýs jyly bolady", - delingen habarlamada.
