«Delta» virýsy álemdi jailai bastady. Buryn-sońdy bolmaǵan COVID-19 deńgeii Frantsiianyń muhittaǵy departamentterinde baiqaldy. Gvadelýpa men Martinikada reanimatsiia bólimshelerinde oryn joq. Bilik týristerden araldardan ketýdi suraidy.
QR COVID-19 taralýyna jol bermeý jónindegi vedomstvoaralyq komissiianyń Telegram kanalyndaǵy málimetterge qaraǵanda, Finliandiiada pandemiia bastalǵannan beri eń joǵary aýrýdyń táýliktik maksimým tirkeledi. Naýqastardyń 90% «delta» shtamyn juqtyrǵan. Negizinen vaktsinatsiialanbaǵan 20-30 jas aralyǵyndaǵy azamattar aýyrǵan.
Sondai-aq, Avstriiada vaktsinatsiia protsesi Sent-Stepannyń soboryndaǵy organnyń súiemeldeýimen ótti. Meditsina qyzmetkerleriniń aitýynsha, olar turǵyndardyń mundai kóp kóleminiń vaktsinatsiialaýǵa kelýin kútpegen.
Ońtústik Koreiada aýrýdyń kúrt ósýi tirkeldi. Kúnine 2000-nan astam virýs juqtyrǵan turǵyn tirkelýde, bul pandemiia bastalǵannan beri eldegi eń joǵary kórsetkish. Dárigerler bul kórsetkishter demalys kúnderinen keiin kúrt artady dep qaýiptenedi – jeksenbide el táýelsizdik kúnin atap ótedi.
Kosovo biligi bir kúnde anyqtalǵan koronavirýs tasymaldaýshylarynyń rekordyn jariialady. Ulttyq densaýlyq saqtaý institýty 1009 jaǵdai týraly aqpar berdi. Kóbisi «delta» shtamymen aýyrǵan. Resmi málimetterge sáikes, Kosovoda pandemiia bastalǵannan beri infektsiianyń 112 653 jaǵdaiy anyqtaldy, 2 273 adam COVID-19 asqynýynan qaitys boldy. Kosovo turǵyndary Pfizer jáne AstraZeneca vaktsinalaryna qol jetkize alady.
