Dekrette otyrǵan analar bir jyl ótkennen keiin biryńǵai jinaqtyq tólemdi tólep, 42 500 teńgeden úmittenýine bolady. Bul týraly Ortalyq kommýnikatsiialar qyzmetinde ótken onlain brifingte aityldy, dep habarlaidy "Ult aqparat".
«Biryńǵai jinaqtyq tólem tólei salsam, resmi jumys istemei júrgen adam retinde 42 500 teńge bere salatyn shyǵar» dep oilaityn azamattarǵa aitarym: eger siz qazir jumys istep júrseńiz nemese jeke kásipker bolsańyz, basqa áleýmettik tólemder alyp júrseńiz, «42 500 teńge alam» degen oiyńyz durys emes», - deidi QR Eńbek jáne halyqty áleýmettik qorǵaý ministri Birjan Nurymbetov.
Ol dekrettegi áielderge atalǵan tólem berile me degen suraqqa jaýap berdi.
«Olarǵa bala kútimi úshin bala bir jasqa tolǵansha memleket tarapynan járdemaqy tólenedi. Bir jyldan asqannan keiin olar jumysqa shyǵar edi, biraq tótenshe jaǵdaiǵa bailanysty eshkimdi jumysqa almaidy. Sondyqtan dekrette otyrǵan analar bir jyl ótkennen keiin biryńǵai jinaqtyq tólemdi tólep, 42 500 teńgeden úmittenýine bolady», - deidi ol.
