Dúniejúzilik densaýlyq saqtaý uiymy álemniń eń bedeldi 20 kóshbasshysyn qazanǵa deiin pandemiia tolqynyn toqtatý úshin koronavirýs infektsiiasyna qarsy vaktsinaǵa qoljetimdilikte teńsizdikti joiýǵa shaqyrdy, dep habarlaidy "Ult aqparat" The Newpaper-ge silteme jasap.
Act Accelerator COVID-19-ben kúresý quraldaryna qol jetimdilikti jedeldetý bastamasynyń jetekshisi Briýs Eilvard koronavirýs infektsiiasyna qarsy vaktsinalarǵa qoljetimdiliktiń teńsizdigin «uiat» dep atady jáne saiasi kóshbasshylar men biznes-magnattardy kedei elderdi vaktsinamen qamtýǵa shaqyrdy.
Atap aitqanda, ol álemniń eń yqpaldy 20 kóshbasshysyn qyrkúiek aiynyń sońyna deiin teńsizdik máselesin sheship, álemniń ár elindegi halyqtyń 10 paiyzyn vaktsinatsiialaýǵa shaqyrdy. AFP baǵalaýy boiynsha, búkil álemde shamamen 4,5 milliard vaktsina dozasy qoldanylǵan.
Halyqaralyq banktiń málimetterine sáikes, kirisi joǵary elderde 100 adamǵa shaqqandaǵy doza sany 104-ti quraidy, al kirisi tómen 29 elde 100 adamǵa eki dozadan keledi.
