Dúniejúzilik densaýlyq saqtaý uiymy SARS-CoV-2 koronavirýsynyń jańa nusqalaryn belgileý úshin juldyzdar shoǵyrynyń attaryn almaqshy, dep habarlaidy "Ult aqparat" DW-ke silteme jasap.
Bul týraly halyqaralyq uiymnyń sarapshysy Mariia Van Kerkhove The Telegraph britan basylymyna bergen suhbatynda málim etken.
"Shamasy bizge grek álipbiiniń áripteri jetpeitin sekildi, kelesi ataýlar legin qarastyryp jatyrmyz", - dedi ol.
Sarapshynyń aitýynsha, ejelgi grek qudailarynyń atyn alý usynylǵan. Keiin budan bas tartylǵan.
DDSU virýsty shyqqan jerdiń atymen ataýdy diskriminatsiia dep tanydy. Mamyr aiynyń sońynda virýstyń jańa mýtatsiiasyn grek álipbiiniń 24 árpimen atai bastady.
COVID-19 aýrýyn týdyratyn SARS-CoV-2 virýsy indet bastalǵannan beri álemde 202 mln adamnan tabylǵan. 4 mln-nan astam naýqas osy infektsiiadan qaitys boldy Shamamen 182 mln-y jazylǵan.
