SARS-CoV-2 koronavirýsynyń «delta» shtamy «ujymdyq immýnitet» qalyptaspasyp úlgergenshe tez taralyp jatyr. Bul týraly sársenbi kúni Jenevadaǵy brifingide Dúniejúzilik densaýlyq saqtaý uiymynyń bas direktory Tedros Adanom Gebreiesýs málim etti, dep habarlaidy QazAqparat TASS-qa silteme jasap.
«Delta» bizdiń ujymdyq immýnitet qalyptasý deńgeiin ozyp bara jatyr. Árbir eldegi vaktsinalaý deńgeii tómen jáne qoǵamdyq densaýlyq saqtaý salasynda jetkilikti shara qoldanyp otyrmaǵan óńirlerde aýrýhanaǵa jatqandar sany men qaitys bolǵandar deńgeii joǵary», - dedi ol.
DDSU basshysynyń málimetinshe, «delta» jáne basqa da shtamdardyń máselesin sheshýge bolady. Ol úshin koronavirýsqa testileý aýqymyn arttyrý kerek, aýrýhanalardy ottegimen, dári-dármekpen, vaktsinamen jáne medqyzmetkerlerdi jeke qorǵanys quraldarymen qamtamasyz etý qajet. Sondai-aq, pandemiiaǵa qarsy kúreste jańa ádis tabatyn zertteý aiasyn keńeitý kerek.
Bas direktordyń aitýynsha, qazirgi ýaqytta «vaktsinanyń 75%-y tek 10 elde qoldanylǵan». Al, tabys deńgeii tómen elderde halyqtyń tek 2%-y ǵana vaktsina ektirgen.
Osyǵan bailanysty DDSU álemdik qaýymdastyqty qyrkúiek aiynyń sońyna deiin aralyq (býster) vaktsinalaýǵa moratorii belgileýge shaqyrdy. Bul aralyq vaktsina jasaǵanǵa deiin densaýlyǵy osal adamdardy qorǵaýǵa múmkindik beredi, aiasy tar ulttyq maqsatqa umtyla bergenshe, bir-birine táýeldi álemdegi koronavirýs mýtatsiia toqtamai turǵan kezde immýndaýǵa teń qoljetimdilikti qamtamasyz etýge tyrysý kerek, dep túsindirdi Gebreiesýs.
