Dúniejúzilik densaýlyq saqtaý uiymynyń (DDSU) bas direktory Tedros Adanom Gebreiesýs kúzde jańa pandemiiaǵa daiyndyqty bastaýǵa shaqyrdy, - dep habarlaidy Tengrinews.kz.
Bul týraly DDSU basshysy Jenevada ótken brifingte málimdedi, ony uiymnyń Twitter-degi resmi paraqshasy taratty.
"Kelesi úsh ai, jańa pandemiiaǵa daiyndyqty qamtamasyz etý úshin, oǵan qarsy sharalardy uiymdastyrý úshin mańyzdy kezeń bolady", - dedi Gebreiesýs.
DDSU basshysy barlyq qaýipsizdik sharalaryn saqtaýdy, qorǵanys maskasyn taǵýdy, múmkindiginshe COVID-19 vaktsinasyn saldyrý kerek ekeni týraly aitty.
"DDSU COVID-19-ǵa qarsy vaktsinatsiiamen qatar áleýmettik araqashyqtyqty saqtaý, maska taǵý degen siiaqty sharalardy jalǵastyryp jatyr", - dedi ol.
Sondai-aq, Gebreiesýs álemde COVID-19 taralý deńgeii óte joǵary ekenin aitty.
"Álemde kún saiyn COVID-19 juqtyratyrdardyń sany turaqtandy. Osyǵan deiin - 4,5 millionnan asa aýrý, 68 myń ólim tirkeldi", - dep túsindirdi ol.
"Alaida, aimaqtan aimaqtyń, elden eldiń, qaladan qalanyń aýrýdy juqtyrýy erekshelenedi. Mysaly, keibir aimaqtar men elderde COVID-19 juqtyrǵandar men qaitys bolǵandar sany kún saiyn ósip jatyr. Ázirge bul virýs barlyq jerde qaýip tóndirip tur", - dep tolyqtyrdy Gebreiesýs.
