Dúniejúzilik densaýlyq saqtaý uiymynyń sarapshylary áiel COVID-19 juqtyrǵannan keiin de, koronavirýsqa qarsy vaktsina saldyrtqannan keiin de balasyn emizýin jalǵastyra alatynyna sendirip otyr. Sebebi, ana sútinde virýs tabylmaǵan. Bul týraly "Ult aqparat" BUU Jańalyqtar saityna silteme jasap habarlaidy.
Budan bólek, uiym mamandary ana sútiniń quramynda immýndaýdan keiin kerisinshe, balanyń virýsqa shaldyǵýynan qorǵai alatyn antideneler anyqtalǵanyn atap ótken.
DDSU bala emizetin analardy ekpe saldyrtyp, bala emizýin jalǵastyra berýge úndep otyr.
«Barlyq úsh balamdy emizgen áiel retinde ana súti, tipti COVID-19 virýsyn juqtyrǵan analar súti – náresteler úshin eń jaqsy qorek kózi ekenin aita alamyn. Eger infektsiiaǵa shaldyqqan áiel tiisti saqtyq sharalaryn qoldansa, ol balasyn emizýin jalǵastyra bere alady», - deidi DDSU Eýropalyq aimaqtyq biýrosynyń Eldik strategiialar jáne densaýlyq saqtaý júieleri bóliminiń direktory Natasha Atstsopardi-Mýskat.
Uiym sarapshylary COVID-19 juqtyrǵan analarǵa bala emizý kezinde maska taǵyp, balany qolǵa almas buryn qoldy jaqsylap sabyndap jýýǵa, sondai-aq jan-jaqty turaqty túrde dezinfetsiialaýǵa keńes beredi.
DDSU-nyń ishine postkeńestik elder kirip otyrǵan Eýropalyq aýmaǵynda bala emizý kórsetkishi – álemde eń tómen. Eýropada nárestelerdiń nebári 13 paiyzy ǵana alǵashqy alty aiynda tek ana sútimen qorektenedi. Budan basqa, aimaqta vaktsinalaýdyń tolyq kýrsyn eresek turǵyndardyń tek úshten bir bóligi ǵana ótken.
