«Ashyq dialog 2» suhbatynyń kezekti sanynda QR Prezident ákimshiligi basshysynyń birinshi orynbasary Dáýren Abaev halyq sanaǵy ne úshin júrgizilip jatqanyn túsindirdi, dep habarlaidy QazAqparat.
«Álemde tsirflandyrý deńgeii joǵary elder kóp. Biraq halyq sanaǵynyń klassikalyq úlgisinen bas tartqandary saýsaqpen sanarlyq. Ádette ondai elderdiń aýmaǵy men halqynyń sany shaǵyn bolyp keledi. Al Qytai, AQSh, Resei siaiqty negizgi elder ár 10 jyl saiyn halyq sanaǵyn júrigizip keledi. 10 jyl merzim ulttyń demografiialyq, áleýmettik-ekonomikalyq ózgerýin aiqyndai alatyn kezeń bolyp sanalady. Bul óte mańyzdy másele. Bizdi ózimizdiń qansha bolǵanymyz ǵana emes, qandai bolyp ózgergenimiz da qyzyqtyrady», - dedi Prezident ákimshiligi basshysynyń birinshi orynbasary.
Sondai-aq, ol sanaq arqyly halyqtyń shynaiy kóńil-kúii men áleýmettik jaǵdaiyn naqtyraq bilýge bolatynyn aitady.
«Aqparattyq bazalardan sanaq suraqtarynyń bárine jaýap sýyryp alý múmkin emes. Al sanaq – barynsha naqty áleýmettaný deýge bolady. Sonyń arqasynda halyqtyń ózin qalai sezinetinin naqty bile alamyz. Biz reformalardyń tiimdiligin, oblystaǵy, aýdandaǵy biliktiń jumysyn baǵalaýǵa múmkindik alamyz. Sanaq kezinde epidemioloiialyq qaýipsizdik erejeleriniń bári saqtalatyny aitpasa da túsinikti. Maska taǵý, interviýerlerdi PTR testileý siiaqty sharalardyń bári saqtalady. Bul turǵyda alańdaityn másele joq», - dedi Dáýren Abaev.
