Foto: uww.asia. Káýgerler fotosy
Qazaqtyń belgili balýany Dáýlet Turlyhanov ulyna qatysty daýǵa kózqarasyn bildirdi, - dep habarlaidy Massaget.kz portaly.
Olimpiada jáne álem chempionattarynyń júldegeri bul týraly telejúrgizýshi Dinara Sátjanǵa bergen suhbatynda aitty.
"Ol 18-de emes, 2003 jyly dúniege keldi. Túngi 12-lerde qurbysymen túngi klýbqa barǵan, sol kezde janjal bastalǵan. Osy tusta eskeretin bir jait bar. Ol - Turlyhanovtyń uly. Osyǵan bailanysty mundai dúrbeleń shyqty. Eger ol taksi nemese avtobýs júrgizýshisiniń balasy bolsa, ondai shý bolmas edi. Árine, onyń qoǵamdyq jerde tóbelesip, kúsh kórsetip, judyryq jumsaǵanyn quptamaimyn. Ol menen sol úshin "taiaq ta jedi". Men oǵan aqsaqaldar sekildi "Nege meni jerge qaratasyń" deimin. Ol maǵan "Ol ózi" dep jaýap berdi. Endi bul ispen tergeý organdary ainalyssyn", - deidi sportshy.
Dáýlet Turlyhanov bul jaǵdaidy bilgennen keiin ulyna qandai sabaq bergenin aitty.
"Men bilgen boida "taiaq jedi". Jastar muny jasyrady ǵoi. Biz de kezinde tóbelestik. Jigittiń bári jas kezinde tóbelesedi. Biraq bul jaǵdaidan "ákeń sondai adam eken dep" daý týǵyzý... Men siiaqty patriot az. Mendei patriot taýyp alsyn. Árine, qazaq jastarynyń myqty bolǵanyn qalaimyn", - deidi ol.
Sportshy balalarynyń qandai sport túrimen shuǵyldanatynyn, sondai-aq, kenje ulynyń ýádesin aitty.
"Ol dziýdomen ainalysady, iá. Biraq balamnyń bári sportpen shuǵyldanbaidy. Úlken ulym jattyqtyrýshy bolyp jumys isteidi, Almatyda jastardy jattyqtyrady. Ekinshisi memlekettik qyzmette jumys isteidi, sportpen, dziýdomen de ainalysqan. Qazir ol tolyǵymen memlekettik qyzmetke kóshti. Kenjem "Áke, men endi mundai jaǵdaiǵa urynbaimyn" deidi. Solai ýáde berdi.
Eske salaiyq, buǵan deiin Almatyda áskeri qyzmetker belgili zańgerdi soqqyǵa jyqqany habarlanǵan bolatyn. Bul oqiǵa týraly zańger Oleg Chernovtyń áieli Anna Dimitrievich Facebook-paraqshasynda jazǵan.
Almaty PD málimetinshe, bul derek QR Qylmystyq kodeksiniń 293-baby "Buzaqylyq" deregi boiynsha sotaldy tergeýdiń biryńǵai tizilimine tirkelgen. Qylmystyq iske qatysty alǵashqy tergeý áreketteri júrgizilip, saraptamalar taǵaiyndalǵan.
